Tez və asan qeydiyyat!
Ev heyvanlarının çiy bəslənməsi gündən-günə populyarlaşır. İtlər və
pişiklər üçün "çiy bəsləmə" adlandırılan
trendin tərəfdarları bunu ev heyvanının həzminə və görünüşünə müsbət təsiri ilə
əsaslandırırlar. Bu, həqiqətən belədirmi? Heyvan mənşəli çiy zülal əsasında hazırlanmış rasion tam balanslaşdırılmış yemləri
əvəz edə bilərmi? Gəlin bunu araşdıraq.
Çiy pəhriz nədir?
Pişik və itlərin çiy qidalarla bəslənməsinin sinonimi əvvəlcə
Bones and Raw Food (sümüklər və çiy qida) mənası verən, daha sonra isə
Biologically Appropriate Raw Food (bioloji uyğun çiy qida) adlandırılan BARF
pəhrizidir. Belə bir pəhrizin əsas komponentlərini ət, emal məhsulları və
sümüklər təşkil edir. Bu qida sistemi özünü canavar və vəhşi pişiklərin təbii
qida davranışları əsasında qurulduğunu bildirir. Başqa sözlə, əhliləşdirilmiş
pişik və itlərin vəhşi əcdadlarının yüz illər əvvəl qidalandıqları kimi.
Lakin unutmayın ki, ev pişikləri və itləri insanlar tərəfindən
genetik dəyişikliklərə məruz qalıblar və bu da onların qida ehtiyaclarına təsir
göstəribdir. Bundan əlavə, "vəhşi pəhriz"in evdə yaşayan heyvanlar üçün uyğun olması çox şübhəlidir. Hətta zooparklarda saxlanılan
canavarların yemləməsinin müasir təcrübəsi də itlər üçün yüksək keyfiyyətli
sənaye yemlərin üstünlüklərini vurğulayır[1].
Müsbət rəy necə
formalaşır
Ev heyvanımız üçün inqrediyentləri sərbəst seçərək və qida
hazırlanmasına nəzarət edərək psixoloji olaraq ona bir ailə üzvü kimi qayğı
göstərdiyimizi düşünürük. Lakin bəzi sahiblər tərəfindən qeyd edilən çiy
bəsləmənin üstünlükləri (təmiz dişlər, parlaq tük, allergiyanın aradan qaldırılması, nəcis qoxusunun azalması, enerjinin artması və s.) elmi
sübutlara malik deyil[2].
PeerJ[3] elmi jurnalında dərc
olunmuş sorğuya əsasən, ev heyvanlarını çiy ət və sümüklərdən ibarət pəhriz ilə
bəsləyən insanlar daha az baytar həkiminə müraciət edir və daha çox internet
mənbələrinə inanırlar.
Çiy
bəsləmənin riskləri
Baytar həkimləri və elmi tədqiqatçılar
aşağıdakı risklər barədə xəbərdarlıq edərək ev heyvanlarını təbii çiy qida ilə
yemləməyə qarşı çağırırlar:
●
Qida maddələrinin
çatışmazlığı. Evdə hazırlanan pəhrizlər və ya alınmış çiy
məhsullar it və pişiklərin nutrisiologiyası, qida və bəslənməsi qaydalarına
əsaslanmır. Bu cür pəhrizlərdə vitamin və qida
maddələrinin balansı pozulur. Hətta reseptə uyğun getsək belə, tələb olunan
keyfiyyətdə orijinal inqrediyentləri hər zaman tapmaq mümkün olmadıqda hər şeyi
asanlaşdırmağa meylliyik.
Yuxarıda qeyd olunanları 2002-ci ildə
aparılmış tədqiqat bir daha təsdiqləyir[4].
Pişikləri nəcis keyfiyyəti və görünüşə müsbət təsir edən çiy dovşan əti ilə bəsləyirdirlər. Buna baxmayaraq, bir neçə
aydan sonra gənc pişiklərdə taurin çatışmazlığı səbəbindən kardiomiopatiya
yaranmışdır.
●
Yoluxucu xəstəliklər. Amerika Baytarlıq Tibbi
Assosiasiyası (AVMA) ev heyvanlarının çiy ətlə qidalanmasının əleyhinədir.
Termik işlənməmiş heyvan zülalı patogen bakteriyalar mənbəyidir[5]. İşlənməmiş məhsulların
tərkibində salmonella, stafilokok və bağırsaq çöpləri vardır. Onlar heyvanın
nəcisi ilə evdə yaşayan insanlara da yoluxa bilər. Risk qrupunda uşaqlar,
hamilə qadınlar, yaşlılar və immuniteti zəif insanlar vardır.
●
Antibiotikə qarşı
müqavimət. Kənd təsərrüfatı heyvanlarının ətində olan patogen və
şərti-patogen orqanizmlər antibiotiklərə davamlı yoluxucu genlərin daşıyıcıları
ola bilər[6].
●
Yaralanma təhlükəsi. Çiy və
hətta qaynadılmış sümüklər ev heyvanının
sağlamlığına zərərlidir. Gəmirərək sümük parçası heyvanın boğazında qala,
dişlərini qıra və hətta daxili travma yarada bilər. Bağırsaqda yığılaraq sümük
fraqmentləri qəbizliyə və bağırsaq tıxanmasına səbəb olur.
Təhlükəsizlik tədbirləri
Ev heyvanınızı çiy ətlə bəsləməyə qərar verdinizsə, təhlükəsizlik
tədbirlərini görmək lazımdır. Çiy rasion hazırlayarkən gigiyena qaydalarına əməl
edin. Əllər və mətbəx ləvazimatlarını qida ilə təmasdan sonra yaxşı yuyun. Çiy
qidanın yeyilməmiş qalıqlarını dərhal atın, heyvanın yem qabını isə su və
yuyucu vasitə ilə yuyun.
Sağlam qalması üçün ev
heyvanını nə ilə bəsləməli?
Baytar həkimləri və diyetoloqlar bir səslə ev heyvanlarını premium
və super premium yemlər ilə bəsləməyi məsləhət görürlər. Əbəs yerə deyil.
Premium brendlər ev heyvanlarının qida ehtiyacları və qida davranışları üzrə
uzun illərdi aparılan tədqiqatlara əsaslanırlar. Bu cür yemlər vacib vitamin və
minerallar əlavə edilməklə yüksək keyfiyyətli təbii inqrediyentlərdən
hazırlanırlar. Bu istehsalçıların məhsul çeşidlərinə müxtəlif xəstəliklərdə
baytarlıq pəhrizləri, eləcə də hamilə heyvanlar üçün yemlər
daxildir. Xüsusi ehtiyacı olan heyvana təbii
rasion tərtib etmək bizim üçün çox çətindir, lakin baytar həkimi ilə bunu etmək
mümkündür. Bu halda hazır yemlər vaxtınıza və pulunuza qənaət edir.
Xülasə
İt və pişikləri çiy ət
və sümüklər əsasında hazırlanmış pəhriz ilə bəsləmək həm heyvanların, həm də
insanların sağlamlığı üçün müəyyən risklər yaradır.
Yüksək keyfiyyətli sənaye yemləri təbii bəsləmədən heç cür geri qalmır və hətta
təhlükəsizlik və qida dəyəri cəhətindən ondan üstündür.