Tez və asan qeydiyyat!
Yay
istiliyi yalnız insanlar üçün deyil, heyvanlar üçün də əsl sınaqdır. Yüksək
temperatur dəyişmələri heyvanlara heç bir təsir etmədiyinə səhvən inanaraq,
sağlamlıqlarını riskə atırıq. Heyvanınıza yay
aylarını keçirməsinə necə kömək edəcəyinizi bilmək vacibdir.
Yer
hazırlamaq
Ev
heyvanınız üçün evinizdə ən sərin yeri seçin. Yelçəkən yaratmadan otağı
mütəmadi olaraq havalandırın. Otaqda yaş dəsmallar asmağınız məsləhətdir.
Xüsusi sərinləşdirici xalça itlər üçün əlverişli olacaqdır.
Qida
İsti
günlərdə suya ehtiyac artır. Ev heyvanınızın su qabında həmişə təmiz sərin
suyun olmasından əmin olun. Yem miqdarı əksinə azaldılmalıdır. Bu, daha çox
itlər və pişiklər üçün tez xarab olan nəm yemlərə aiddir.
İtlə
gəzinti
İtin
gəzintisi, günün ən sərin saatlarında - səhər tezdən və ya axşam saatlarında
təşkil olunmalıdır. Kölgəli yerləri seçin və həmişə özünüzlə su götürün. Dörd
ayaqlı dostunuzu qaçmağa və oynamağa məcbur etməyin.
Gigiyena
Heyvanın
tükü onun üçün təbii istilik tənzimləyicisi kimi xidmət edir. Buna görə də
itləri dibindən qırxmaq olmaz, çünki bu həm də dərinin yanmasına səbəb ola
bilər. Lakin uzun tüklü itlər və pişiklərə az bir kəsim zərər verməz.
İsti
günlərdə su proseduraları lap yerində olacaq. Sudan qorxan pişiklərin
qulaqlarının üstünü və pəncələrini su ilə nəmlədin, islanmış əllərinizi tükünün
üzərinə çəkin. Eyni prosedura gəmiricilərlə də edilə bilər.
Quşlar
kimi, itlər də pulverizatordan çilənməyi sevəcəklər.
Quşlara
gəldikdə, bəziləri suda çabalamağı xoşlayırlar. Qəfəsə su ilə qab qoyaraq
onlara çimmək üçün bir yer təşkil edin.
Təhlükəli
Qısa
müddətə çölə çıxsanız belə ev heyvanınızı qapalı bir avtomobildə qoymaq onun
üçün ölümcül nəticələnə bilər. Həmçinin ev heyvanınızı havalandırılmamış bir
otaqda tək buraxmayın.
Yay,
ev heyvanlarımıza xüsusilə diqqət yetirməli olduğumuz bir fəsildir.