Tez və asan qeydiyyat!
Ev
heyvanı sahibi olmağa qərar verərək biz evimizə əsl ailə psixoterapevti
gətiririk. Əvvəlcə elə təəssürat yaranır ki, ev heyvanı sadəcə gündəlik
həyatımıza rəng qatacaq və uşaq üçün dost olacaq. Lakin əslində heyvan bizə
qəlb rahatlığı və xoş əhval-ruhiyyə bəxş edir. Ailədə neçə nəfər olmasına
baxmayaraq, iki ya beş, heyvan özü bunu bilmədən insanlar arasında
münasibətlərin möhkəmlənməsinə səbəb olur.
Emosional
dəstək
Xəstəlik,
yaxın adamın itkisi, işsizlik və digər hayat çətinliklərindən ibarət ailə
böhranı zamanı ev heyvanı əsl mənəvi dəstək və təsəlli olacaq. Ev heyvanları bu
dünyadan uzaq biri kimi görünür: onlar öz sahibini, hətta bütün dünya ona qarşı
dursa belə, səmimi qəlbdən və təmənnasız sevirlər. Bu, insanı ruhlandırır, ona
müsbət emosiyalar bəxş edir, hətta özünə güvəni artırır.
Stresin
azaldılması
Artıq
sübut olunub ki, heyvanlarla ünsiyyət həyəcan hissini azaldır, sinir sistemini
möhkəmləndirir və orqanizmin müqavimətini artırır. Ev heyvanı evdə şən və
əyləncəli mühit yaradır. Virciniya Universiteti tərəfindən aparılan tədqidatlar
göstərib ki, ev heyvanı ilə ünsiyyətdə olarkən insanda oksitosin hormonu ifraz
edir. Buna xoşbəxtlik hormonu da deyilir. Məsələn, pişiyi sığallama insanda
gərginlik səviyyəsini azaldır və sakitlik hissi yaradır. Hətta bu "yumşaq
yumaqlar" ilə videolara baxmaq insanı mənfi emosiyalardan azad edə bilər.
Bunun təsdiqi Almaniya və Avstraliyada keçirilən sorğunun nəticəsidir. Ona
əsasən, it və pişik sahibləri həkimə 15% daha az baş çəkirlər.
Gərgin
atmosferin yumşaldılması
Əgər
insan mürəkkəb emosiyaların qarışığıdırsa, onu aça bilən bəlkə də məhz ev
heyvanıdır. Ailədaxili münaqişələr zamanı yaranan gərginliyi məhz ev heyvanları
aradan qaldıra bilir. Diqqəti özünə cəlb etmək üçün it sahibinin qucağına
tullanacaq, pişik sahibinin ayağına yatacaq, tutuquşu isə civildəməyə başlayacaq.
Ev heyvanları həqiqətən mübahisə zamanı diqqəti yayındırır və hətta inslanları
barışdıra bilir. Axı ətrafda belə şirin canlının olduğu an necə qəzəblənə
bilərsən?
Birgə
vaxt keçirmə
Sosial
media dövründə insanlar bir-biri ilə çox az vaxt keçirdiyi bir vaxtda, məhz ev
heyvanları yaxınlarımıza diqqət yetirməyin nə dərəcədə vacib olduğunu bizə
xatırladır. Ev heyvanına qulluq etmə öhdəliklərinin bölüşdürülməsi, ev heyvanı
ilə gündəlik gəzintilər, onun ad gününün qeyd edilməsi, birlikdə keçirilən
anlar, ev heyvanı haqqında söhbətlər – bu cür birgə təcrübə ailəni bir araya
gətirir. Onu da qeyd etmək lazımdır ki, ev heyvanları ilə böyüyən uşaqlar
həyatları boyu həm ailəsi, həm də dostları ilə möhkəm münasibət qurur.
Ev
heyvanları təkcə bizim dostumuz hesab edilmir. Onlar insanları daha xeyirxah
edir, bizə məhəbbət və qayğı göstərməyi öyrədir. Ev heyvanının müsbət təsirini
yalnız onunla düzgün emosional əlaqə qurmaqla və buna görə də onu ailənizin əsl
üzvü etməklə hiss edə bilərsiniz.