Tez və asan qeydiyyat!
Akvarium bütöv bir ekosistem olduğuna görə, balıq
yetişdirməyin uğurlu olması onun düzgün saxlanılmasından asılıdır. İlk baxışdan
hər şey çox asan gələ bilər - akvariumu təmizləmək və yem vermək, lakin bunlar
bütün vacib prosedurların bir hissəsidir ki, onlara düzgün riayət edilmədiyi
halda balıqların görünüşü və sağlamlığına ziyan dəyə bilər.
Balıq seçimi
Balıq seçərkən, ilk növbədə, öz təcrübənizi rəhbər
tutmalısınız. Akvarium saxlamaqda təcrübəsizsinizsə, sadə balıq növlərinə
üstünlük verin. Akvariumun bütün sakinlərinin eyni qayğı və qidalanma
tələblərinə malik olması vacibdir.
Düzgün qidalanma
Sualtı sakinlər üçün ev
Akvarium almazdan əvvəl orada yaşayacaq balıqlar
haqqında ətraflı məlumat toplayın. Hər bir balıq növünün yer və yaşayış
mühitinə qarşı öz tələbləri var. Bəziləri kiçik bir akvariumda rahat olacaq,
digərlərinin isə daha çox sahəyə ehtiyacı var. Düzgün ölçüdə seçilmiş bir
akvarium onun sakinlərinin gələcək sağlamlıq problemlərinin qarşısını almağa kömək
edəcək.
Akvarium üçün döşəmə
Akvarium döşəməsi, müəyyən bir balıq növünün
saxlanmasının təbii şərtləri nəzərə alınmaqla seçilir: həm suyun sərtliyini,
həm də substrat hissəciklərinin ölçüsü nəzərə alınmalıdır. Qum, çınqıl, kvars
və xırda çay daşı kimi təbii döşəmələr daha populyardır. Bəziləri suyun pH -nı
dəyişə bilir, buna görə də belə bir döşəmə alarkən istehsalçının qablaşdırma
məlumatlarını diqqətlə oxuyun.
Akvarium üçün su
Bir akvariumu doldurmağın ən asan yolu axar sudan
istifadə etməkdir. Bunun üçün, lazımi miqdarda soyuq su geniş bir qaba tökülür
və 2-4 gün ərzində saxlanılır. Beləliklə, suda olan xlor buxarlanır. Akvariumun
bu cür su ilə doldurulması temperatur tələblərinə uyğun olaraq həyata keçirilir.
Temperatur rejimi
Akvarium suyunun hansı temperaturda olması
balıqların tələblərinə görə tənzimlənir. Akvarium suyunun temperaturu,
balıqların soyuq və ya isti suda yaşamalarından asılı olaraq müəyyənləşdirilir.
Bir çox balıq üçün optimal temperatur + 23-24 dərəcədir. Suyu lazımi temperaturda
saxlamaq üçün termometr və xüsusi isidici cihazdan istifadə edin.
Balıqlar üçün oksigen
Suyun oksigenlə doyması hər hansı bir akvarium
sahibinin düşünməli olduğu ən vacib məqamdır. Oksigensiz heç bir balıq yaşaya
bilməz. Buna görə akvarium xüsusi kompressor ilə təchiz olunmalıdır. Akvariumda
yosunlar varsa, kompressor gecə vaxtı da işləməlidir. Gecələr bir çox bitki
karbon qazı yaydığına görə oksigensiz balıqlar boğula bilər.
İşıqlandırma
Akvarium üçün işıqlandırma sistemi çox vacibdir,
çünki balıqların sağlam inkişafı və çoxalması üçün işığa ehtiyacı var. Kifayət
qədər işıq akvarium sakinlərinə aktivlik və yaxşı əhval bəxş edir.
Su dəyişdirmə və filtrasiya
Akvarium suyunun tam dəyişməsi, onda yaradılmış
ekosistemin məhv olması deməkdir. Buna görə akvariumdakı ümumi su həcminin
yalnız üçdə bir hissəsini dəyişmək tövsiyə olunur. Suyun daha uzun müddət təmiz
qalması üçün xüsusi bir filtr köməyə gələ bilər.
İlk baxışdan sadə görünən bu
doqquz məsələ haqqında məlumat akvarium sahiblərinin həyatını xeyli
asanlaşdıracaq.